రష్యా, అక్టోబర్ 7: రష్యా నల్ల సముద్ర తీరంలో ఉక్రెయిన్‌కు చెందిన డ్రోన్ దాడి తీవ్ర కలకలం రేపింది. లైబీరియా జెండాతో ప్రయాణిస్తున్న అఫ్రామాక్స్ రియో చమురు ట్యాంకర్‌ను లక్ష్యంగా చేసుకుని డ్రోన్ దాడి జరగడంతో నౌకలో ఒక్కసారిగా భారీ మంటలు చెలరేగాయి.
దాడి సమయంలో ట్యాంకర్‌లో 23 మంది భారతీయ సిబ్బంది ఉన్నారు. ప్రమాదాన్ని గుర్తించిన వెంటనే రష్యా అత్యవసర సేవల సిబ్బంది రంగంలోకి దిగి వారందరినీ సురక్షితంగా బయటకు తీసుకొచ్చారు. ఈ ఘటనలో ఎవరూ గాయపడలేదని రష్యా రవాణా శాఖ వెల్లడించింది
నౌకలో ఉన్న ముడి చమురు అంటుకోవడంతో మంటలు భారీగా ఎగసిపడ్డాయి. దట్టమైన నల్లటి పొగ ఆ ప్రాంతాన్ని కమ్మేయడంతో తీర ప్రాంతంలో తీవ్ర ఆందోళన నెలకొంది. ప్రమాదం ప్రభావంతో సోచి సమీపంలోని కొన్ని బీచ్‌లను అధికారులు తాత్కాలికంగా మూసివేశారు.
నల్ల సముద్రంలో పెరుగుతున్న డ్రోన్ దాడుల నేపథ్యంలో ఈ ఘటన రష్యా తీర భద్రతపై మరోసారి ప్రశ్నలు లేవనెత్తింది. చమురు ట్యాంకర్‌ను లక్ష్యంగా చేసుకుని జరిగిన దాడిపై అధికారులు దర్యాప్తు చేపట్టారు. దాడి వెనుక ఉన్న కారణాలు, నౌకకు జరిగిన నష్టం, పర్యావరణ ప్రభావంపై మరిన్ని వివరాలు వెలువడాల్సి ఉంది.
Comments
Sign in with Google to comment.