హైదరాబాద్: తెలంగాణ రాజకీయాల్లో మరోసారి మంత్రివర్గ పునర్వ్యవస్థీకరణ అంశం హాట్‌టాపిక్‌గా మారింది. సెప్టెంబర్ 3న ఢిల్లీలో కాంగ్రెస్‌ పార్టీ ప్రధాన కార్యదర్శి కేసీ వేణుగోపాల్‌తో ముఖ్యమంత్రి రేవంత్ రెడ్డి, టీపీసీసీ అధ్యక్షుడు మహేష్ కుమార్ గౌడ్, ఉప ముఖ్యమంత్రి భట్టి విక్రమార్క భేటీ కానున్నట్లు సమాచారం.
ఈ భేటీలో రాష్ట్ర రాజకీయ పరిస్థితులతో పాటు మంత్రివర్గ విస్తరణ, మార్పులు, శాఖల పునర్విభజన వంటి అంశాలపై కీలక చర్చ జరిగే అవకాశం ఉందని పార్టీ వర్గాల్లో చర్చ జరుగుతోంది.
కొండా సురేఖపై కీలక నిర్ణయం?
మంత్రివర్గ పునర్వ్యవస్థీకరణలో భాగంగా మంత్రి కొండా సురేఖ విషయంలోనూ అధిష్ఠానం నుంచి స్పష్టత వచ్చే అవకాశం ఉందనే ప్రచారం ఊపందుకుంది. అయితే ఆమె పదవిపై తుది నిర్ణయం కాంగ్రెస్‌ అధిష్ఠానం చర్చల అనంతరం మాత్రమే వెలువడే అవకాశం ఉంది.
ఢిల్లీ భేటీపై పెరిగిన ఉత్కంఠ మంత్రివర్గంలో ఎవరికి చోటు దక్కుతుంది? ఎవరి శాఖలు మారనున్నాయి? ఎవరిపై వేటు పడనుంది? అనే ప్రశ్నలు తెలంగాణ కాంగ్రెస్‌ వర్గాల్లో ఆసక్తిని రేకెత్తిస్తున్నాయి. సెప్టెంబర్ 3న జరిగే ఢిల్లీ సమావేశం తర్వాత తెలంగాణ కేబినెట్‌లో భారీ మార్పులకు సంబంధించి క్లారిటీ వచ్చే అవకాశముందని పార్టీ వర్గాల్లో చర్చ జరుగుతోంది.
Comments
Sign in with Google to comment.