ఉగాది సందడి మొదలు… 2026 తెలుగు సంవత్సరం పేరు, ప్రత్యేకతలు తెలుసుకోండి!

హిందూ పంచాంగం ప్రకారం Ugadi పర్వదినం కొత్త తెలుగు సంవత్సరానికి శ్రీకారం చుడుతుంది. చైత్ర శుద్ధ పాడ్యమి రోజున వచ్చే ఈ పండుగకు తెలుగు రాష్ట్రాల్లో ప్రత్యేక ప్రాముఖ్యత ఉంది. 2026 సంవత్సరంలో ప్రారంభమయ్యే తెలుగు సంవత్సరం పరాభవ నామ సంవత్సరంగా పిలువబడుతుంది. ఈ కొత్త సంవత్సరం మీన రాశిలో ప్రారంభమవుతుందని పండితులు చెబుతున్నారు. ఉగాది రోజు నుండి హిందూ చాంద్రమాన పంచాంగం ప్రకారం కొత్త సంవత్సరానికి ప్రారంభం అవుతుంది. ఉగాది పండుగ రోజున ప్రజలు ఇంటిని శుభ్రపరచి మామిడి తోరణాలు కట్టి పూజలు నిర్వహిస్తారు. ముఖ్యంగా ఉగాది పచ్చడి తయారు చేసి కుటుంబ సభ్యులతో కలిసి తింటారు. ఈ పచ్చడిలో తీపి, చేదు, పులుపు వంటి ఆరు రుచులు ఉండటం జీవితంలోని సుఖదుఃఖాలకు ప్రతీకగా భావిస్తారు. అలాగే పండితులు పంచాంగ శ్రవణం నిర్వహించి కొత్త సంవత్సరంలో దేశ రాజకీయాలు, ఆర్థిక పరిస్థితులు, వర్షపాతం, పంటల పరిస్థితులపై అంచనాలు తెలియజేస్తారు. తెలుగు ప్రజలు కొత్త ఆశలు, లక్ష్యాలతో ఉగాది పర్వదినాన్ని ఘనంగా జరుపుకుంటారు.